રાજકોટ સહિતના લોકમેળા માટે રાજ્ય સરકારનો મોટો નિર્ણય: નવા નિયમો જાહેર, રાઈડ્સનું લાયસન્સ હવે વધુ ઝડપી

Gujarat Lok Mela new rules: રાજકોટ (Rajkot) સહિત સમગ્ર રાજ્યમાં (Gujarat State) યોજાતા લોકમેળા (Lokmela) અને આનંદ મેળાઓના (Anand Mela) આયોજકો માટે રાજ્ય સરકારે (State Government) એક મહત્વપૂર્ણ અને રાહતભર્યો નિર્ણય જાહેર કર્યો છે. લાંબા સમયથી ચાલી રહેલી રજૂઆતો અને સમસ્યાઓને ધ્યાનમાં રાખીને, ગૃહ વિભાગે (Home Department) એક નવો પરિપત્ર (New Circular) બહાર પાડ્યો છે, જેમાં એમ્યુઝમેન્ટ રાઈડ્સ (Amusement Rides) અને ગેમિંગ ઝોન એક્ટિવિટીઝ સેફ્ટી રૂલ્સ, 2024 (Amusement Rides and Gaming Zone Activities Safety Rules, 2024) માં કેટલાક મહત્વપૂર્ણ સુધારા-વધારા સૂચવવામાં આવ્યા છે. આ નિર્ણયથી મેળાઓનું આયોજન સરળ બનશે અને લોકોની સાંસ્કૃતિક (Cultural) તેમજ સામાજિક (Social) ભાવનાઓનું પણ ધ્યાન રાખી શકાશે.

નવા પરિપત્રના મુખ્ય મુદ્દાઓ: લાયસન્સ પ્રક્રિયા થશે સરળ અને ઝડપી

ગૃહ વિભાગ દ્વારા જુલાઈ 16, 2025 ના રોજ યોજાયેલી બેઠક બાદ આ પરિપત્ર જાહેર કરાયો છે, જેમાં મેળા ઓર્ગેનાઈઝર વેલ્ફેર એસોસિએશન (Mela Organizer Welfare Association) અને અન્ય આયોજકોની રજૂઆતોને ધ્યાનમાં લેવામાં આવી હતી. નવા સૂચનો નીચે મુજબ છે:

1. લાયસન્સ આપવાની સમયમર્યાદામાં ઘટાડો: અગાઉ લાયસન્સની અરજી કર્યાના 60 દિવસની સમયમર્યાદામાં મંજૂરી આપવી પડતી હતી. હવે ટેમ્પરરી મેળાઓના કિસ્સામાં આ સમયમર્યાદા ઘટાડીને માત્ર 30 દિવસની કરવામાં આવી છે. આનાથી મેળાના આયોજકોને ચોક્કસ તહેવારો/તારીખો દરમિયાન મેળાઓનું આયોજન કરવામાં સરળતા રહેશે.
2. રાઈડ સેફ્ટી ઇન્સ્પેક્શન કમિટીમાં સ્થાનિક ઇજનેરોનો સમાવેશ: સિટી/ડિસ્ટ્રિક્ટ રાઈડ સેફ્ટી એન્ડ ઇન્સ્પેક્શન કમિટીમાં (City/District Ride Safety and Inspection Committee) હાલ એકથી વધુ જિલ્લાઓની જવાબદારી સંભાળતા ઇજનેરોને બદલે, હવે જે તે જિલ્લા/શહેર ખાતે ઉપલબ્ધ વર્ગ-2 કે તેથી ઉપરના સ્થાનિક સરકારી ઇજનેરોને (Local Government Engineers) સામેલ કરવાનું સૂચન કરાયું છે. આનાથી ઇન્સ્પેક્શન પ્રક્રિયા વધુ ઝડપી બનશે અને 30 દિવસની સમયમર્યાદામાં લાયસન્સ આપવાનું શક્ય બનશે.
3. ટેમ્પરરી મેળાની રાઈડ્સ માટે ફાઉન્ડેશનના નિયમોમાં છૂટછાટ: હવે ટેમ્પરરી મેળાના આયોજકોએ રાઈડ્સ માટે જરૂર જણાયેથી જ ચાર્ટર્ડ એન્જિનિયર (Chartered Engineer) દ્વારા સૂચવાયેલ સોઈલ સ્ટેબિલિટી રિપોર્ટ (Soil Stability Report) અને રાઈડ્સની લોડ બેરિંગ કેપેસિટી (Load Bearing Capacity) ને ધ્યાને લઈને ફાઉન્ડેશન (Foundation) તૈયાર કરવાનું રહેશે. જો સંબંધિત રાઈડ માટે જરૂર ન હોય તો RCC (Reinforced Cement Concrete) ફાઉન્ડેશનનો આગ્રહ રાખવામાં આવશે નહીં. માર્ગ અને મકાન વિભાગના (Road and Building Department) ઇજનેરની તપાસ બાદ જરૂરી ફેરફારો કરવા પડશે.
4. લાયસન્સના દિવસોની ગણતરી: ટેમ્પરરી મેળાના આયોજકો દ્વારા અમુક ચોક્કસ દિવસો/મહિનાઓ (વધુમાં વધુ ત્રણ મહિનાઓ) માટે લાયસન્સ મેળવવા અરજી કરવામાં આવે છે. આ ઓપરેશન લાયસન્સની ગણતરી આયોજકને ઓપરેશન લાયસન્સ મળ્યા તારીખથી (અરજદારે અરજીમાં દર્શાવેલ દિવસો મુજબ મહત્તમ 90 દિવસની મર્યાદામાં) ગણવાની રહેશે

આયોજકો માટે સૂચના: પરિપત્રમાં સ્પષ્ટતા કરવામાં આવી છે કે ટેમ્પરરી મેળાના આયોજકોને સમયમર્યાદામાં નિયમાનુસાર લાયસન્સ મળી રહે તે માટે સંબંધિત જિલ્લા/શહેર ખાતેની લાયસન્સિંગ ઓથોરિટીએ (Licensing Authority) ઉપરોક્ત સૂચનો ધ્યાને રાખી 2024 ના નિયમોમાં જરૂરી સુધારા-વધારા કરવાના રહેશે. સાથે જ, મેળાનું આયોજન કરવા ઇચ્છતા આયોજકોએ લાયસન્સ મેળવવા માટે નિયમો મુજબ અરજી કરવી ફરજિયાત છે, કારણ કે અરજી કર્યા વગર લાયસન્સ ન મળવા અંગેની રજૂઆતો ધ્યાન પર આવી છે. આ નવા નિયમો મેળાઓના સુચારુ સંચાલન અને સલામતી સુનિશ્ચિત કરવામાં મદદરૂપ થશે.