શશિ થરુરે ભારતને ફરી અપાવી કૂટનીતિક જીત, કોલંબિયાએ પાછું લીધું પાકિસ્તાનના સમર્થનનું નિવેદન

All party Delegation in Colombia : કોલંબિયા, જેણે પાકિસ્તાન વિરુદ્ધ ભારતના ‘ઓપરેશન સિંદૂર’નો વિરોધ કર્યો હતો, તેણે પોતાનો સૂર બદલી નાખ્યો છે અને પાકિસ્તાનને ટેકો આપતું પોતાનું નિવેદન પાછું ખેંચી લીધું છે. આને ભારતની રાજદ્વારી અને શશી થરૂરના આક્રમણની જીત તરીકે જોવામાં આવી રહ્યું છે, કારણ કે ગઈકાલ સુધી પાકિસ્તાન માટે સંવેદના વ્યક્ત કરતું કોલંબિયા આજે ભારતના સમર્થનમાં ઉભું છે.

હકીકતમાં સર્વપક્ષીય પ્રતિનિધિમંડળનું નેતૃત્વ કરનારા કોંગ્રેસના સાંસદ શશી થરૂરે કોલંબિયાના શોક નિવેદન પર ‘નિરાશા’ વ્યક્ત કરી હતી. 7 મેના રોજ, ભારતે પહેલગામ આતંકવાદી હુમલાના જવાબમાં પાકિસ્તાન અને પાકિસ્તાન કબજા હેઠળના કાશ્મીરમાં 9 આતંકવાદી ઠેકાણાઓ, તેમના મુખ્યાલય અને લોન્ચ પેડને નિશાન બનાવ્યા હતા. ભારત દ્વારા કરવામાં આવેલી આ બદલો લેવાની કાર્યવાહીમાં 100 થી વધુ આતંકવાદીઓ માર્યા ગયા હતા, ત્યારબાદ કોલંબિયાએ પાકિસ્તાન પ્રત્યે સંવેદના વ્યક્ત કરી હતી.